ኢትዮጵያውያን የጎዳና ላይ ውድድሮችን አሸነፉ

ከውድድሮቹ መካከል በፖርቱጋል ርዕሰ ከተማ ሊዝበን የተደረገውን የግማሽ ማራቶን  ውድድር ጽጌ ገብረሰላማ በበላይነት አጠናቃለች፡፡

ጽጌ ርቀቱን ለማጠናቀቅ 1:04.48 ሲወስድባት፥ በውድድሩ የተሳተፈችው ግርማዊት ገብረ እግዚአብሔር በ1:07.30 በመግባት አምስተኛ በመውጣት ውድድሩን አጠናቃለች።

በፈረንሳይ ዋና ከተማ ፓሪስ የተደረገውን ተመሳሳይ የግማሽ ማራቶን ውድድር አትሌት ፍታው ዘርዓይ በቀዳሚነት በመግባት አሸንፋለች።

አትሌቷ የገባችበት 1:05.12 የቦታው ምርጥ ሰዓት መሆኑም ተገልጿል።

በጃፓን ናጎያ ሴቶች ማራቶን ዳግም ዓይናለም ደስታ ሦስተኛ ደረጃ ይዛ ውድድርን እጠናቃለች፡፡