የይለፍ ቃላት ዘመን እያበቃለት ይሆን?

የይለፍ ቃላት (Passwords) ዘመን እያበቃለት ይሆን?በማለት ጽሁፉን በጥያቄ ይጀምራል፡፡

በቅርቡ የወጡ የደህንነት ጥናቶች እንደሚያመለክቱት፣ ተጋላጭነቱ እየሰፋ በመምጣቱ የቴክኖሎጂ ባለሙያዎች "የይለፍ ቃል አስተማማኝነቱ እያበቃ ነው" የሚል ማስጠንቀቂያ በመስጠት ላይ ናቸው።

የመረጃ መንታፊዎች ሰራተኞችን ለማታለል እውነተኛ የሚመስሉ የሐሰት መግቢያ ገጾችን በመጠቀም መረጃዎችን እየሰረቁ መሆናቸው ተነግሯል ይለናል በመለጠቅም፡፡

በዚህም የተጠቃሚን መዘናጋት በመጠቀም የብዙ-ደረጃ ማረጋገጫን (MFA) በመጥለፍ ወደ ተቋማት ምስጢራዊ መረጃ ሰርገዉ መግባት መቻላቸው የችግሩን አሳሳቢነት ጨምሮታል። 

በተለይ አርቴፊሻል ኢንተለጀንስ (AI) የሳይበር ወንጀለኞች የሚልኳቸውን መልዕክቶች ይበልጥ አሳማኝ እንዲሆኑና ሰዎችን በቀላሉ እንዲያታልሉ እገዛ እያደረገላቸው መሆኑን አመላክቷል።

የይለፍ ቃላት የተፈጠሩት ሠራተኞች በቢሮ ውስጥ ብቻ በሚሰሩበት ዘመን እንደነበር ያስታወሰው ጥናቱ፣ አሁን ግን ሥራ በየትኛውም ቦታና በግል መሣሪያዎች ጭምር የሚከናወን በመሆኑ የቆዩት የደህንነት ፖሊሲዎች በቂ አለመሆናቸውን የኢንፎርሜሽን መረብ ደህንነት አስተዳደር ያስረዳል። 

የቲም ቪወር (TeamViewer) የ2025 ጥናት እንደሚያሳየው፣ 80 በመቶ የሚሆኑ ሠራተኞች ከመግቢያ መረጃ ጋር የተያያዘ ችግር ገጥሟቸዋል፡፡ 

ውስብስብ የይለፍ ቃል ሕጎችም ተጠቃሚዎች መረጃቸውን ደህንነቱ ባልተጠበቀ ቦታ እንዲያስቀምጡ እያገፋፏቸው መሆኑ ተጠቅሷል።

የዘርፉ ባለሙያዎችም ተቋማት በባዮ ሜትሪክስ (የጣት አሻራ እና የፊት ገጽታ) ላይ ወደሚሰሩ "ፓስኪዎች" (Passkeys) እንዲሸጋገሩ መክረዋል፡፡